Garbigune mugikorra Nerbioi-Ibaizabal eskualdera iritsi da

Aurten ere Nerbioi-Ibaizabal eskualdeak herritarrei aukera ematen die euren etxeetan sortutako hondakin jakin batzuk behar bezala kudeatzeko Garbikerrek udalerrien eskura jartzen duen Garbigune mugikorraren bidez.

Garbigune mugikorra zerbitzuaren helburua birziklapenaren kontzeptua erraztea eta hurbiltzea da; izan ere, herritarrek ez dute jada dauden Garbigune tradizionaletara joan beharrik eta udalerrian bertan egin dezakete. Bi edukiontzi mugikor dira, herrietan txandaka jartzen direnak; herri horretan astebetez egoten dira, astelehenetik ostiralera.

Zehatzago esanda, eskualdeko data eta kokapenak hauek dira:

 

UDALERRIA	Egunak	Kokapena
ARRIGORRIAGA	2020-iraila-14 / 2020-iraila-18	Santa Isabel Kalea
ARRANKUDIAGA-ZOLLO	2020-iraila-14 / 2020-iraila-18	Elexalde plaza
ZEBERIO	2020-iraila-21/ 2020-iraila-25	Zubialde, 10 (Udaletxearen aurrean)
URDUÑA-ORDUÑA	2020-iraila-21/ 2020-iraila-25	Foru Plaza
ETXEBARRI	2020-iraila-28/ 2020-urria-02	Udaletxe plaza
OROZKO	2020-iraila-28/ 2020-urria-02	Gorbeia kaleko parkina
UGAO-MIRABALLES	2020-urria-05/ 2020-urria-09	Udaletxe plaza
ARAKALDO	2020-urria-05/ 2020-urria-09	La Isla Ugarriza auzoa (Parkina)
ZARATAMO	2020-urria-13/ 2020-urria-16	Arkotxa (Iturri plaza)

Hauek dira zerbitzu honetan onar daitezkeen hondakinak: etxetresna elektriko txikiak, sukaldeko tresneria, sukaldeko olioa (ontzi itxia), telefono mugikorrak, kableak, pinturak eta disolbatzaileak, aerosolak, xurgatzaile kutsatuak, tonerrak, tinta-kartutxoak, kapsula metalikoak eta plastikoak, pilak, CDak, DVDak eta kaseteak eta erradiografiak.